Израиль Газа секторының басқа аудандарында ХАМАС-қа қарсы жердегі операциясын кеңейтетінін мәлімдеді
Израиль қорғаныс күштері Газа қаласындағы «Аш-Шифа» ауруханасы маңындағы аймақтан тағы бір кепілге алынған адамның мәйітін тапты. 19 жастағы сарбаз әйел жұма күні жерленді, деп хабарлайды Sarbaz.kz. Еuronews-ке сілтеме жасап.
Израиль Газа секторының басқа аудандарында ХАМАС-қа қарсы жердегі операциясын кеңейтетінін мәлімдеді.
Жұма күні кешке телекоммуникация компанияларының жұмысын қамтамасыз ету үшін Палестина анклавына 17 мың литр жанар-жағармай жеткізілді. Израиль сонымен қатар инфекциялық аурулардың таралуын болдырмау үшін Газа секторына су сорғылау станциялары жұмысына қажетті отынның ең аз мөлшерін беруге уәде берді.
ДДҰ бұған дейін күрделі санитарлық қауіп туралы ескерткен. БҰҰ егер гуманитарлық көмек қажетті көлемде жеткізілмесе, Газа секторының тұрғындары жақын арада аштыққа ұшырайды деп қауіптеніп отыр.
Израиль қорғаныс күштерінің сендіруінше, Газа секторындағы балабақшалар мен мектептерден ХАМАС содырларының қарулары табылған. Бұл ақпарат расталған жоқ. Жұма күні Газа секторынан Израильге қарай ондаған зымыран ұшырылды.
