Израиль мен ХАМАС арасындағы қақтығыс 7 қазан күні басталды
Израильдің Газа секторына жасаған соққыларынан қаза тапқандар саны 4,6 мыңнан асты, тағы 14,2 мыңнан астам адам зардап шекті. Бұл туралы елдің денсаулық сақтау министрлігі мәлім етті, деп хабарлайды Sarbaz.kz.
«Газадағы құрбандардың жалпы саны 4651 адамға жетті, оның ішінде 1873-і – бала, 1023-і – әйел және 187-сі – қарт адам», — деп хабарлады ведомство.
Айта кетейік, Израиль мен ХАМАС арасындағы қақтығыс 7 қазан күні басталды. Осыған дейін ХАМАС 200-ге жуық израильдікті тұтқында ұстап отырғаны хабарланған. Сол сияқты осы қақтығыстағы Қазақстанның ұстанымы қандай екені де белгілі болды.
