13 ауыл толығымен қирап қалған
Ауғанстанда жер сілкінісінен қаза болғандар саны 2445 адамға жетті болды. Бұл туралы елдің Герат провинциясының апаттарға қарсы күрес басқармасы мәлім етті, деп хабарлайды Sarbaz.kz тілшісі Euronews-ке сілтеме жасап.
Герат провинциясындағы елді мекендер қатты зардап шекті.
Жергілікті табиғи апаттар басқармасының мәліметі бойынша, 13 ауыл толығымен қирап қалған. Жер сілкінісі салдарынан зардап шеккендер саны 10 мыңға жуықтады.
Euronews мәліметіне сүйенсек, Ауғанстанның Қызыл Жарты Ай қоғамы аймаққа қажетті көмекті жеткізеді.
Талибан аймаққа 10 құтқару тобын жіберді. Тірі қалғандарды іздеу және үйінділерді талдау жұмысы жүріп жатыр.
Бірінші 6,3 баллдық жер сілкінісі сенбі, 7 қазан күні таңертең Герат қаласының солтүстік-батысында болды. Алғашқы дүмпуден кейін тағы сегіз күшті жер сілкінісі болды.
