Палестинада кем дегенде 370 адам көз жұмды
Жексенбі күні кешке израильдік БАҚ Палестинамен болған қарсыласта қаза тапқандар саны 700-ге дейін өскені туралы ақпарат таратты. Бұл туралы Sarbaz.kz тілшісі Синьхуа агенттігіне сілтеме жасап хабарлайды.
Израильдің Kan мемлекеттік телерадиокомпаниясы үкімет өкілдеріне сілтеме жасай отырып, ХАМАС қозғалысының шабуылынан кем дегенде 700 адам қаза тапқаны, оның жауынгерлері тосқауылдардан өтіп, жақын маңдағы елді мекендерге шабуыл жасап, салдарынан ондаған бейбіт тұрғындар мен әскерилер өлтірілгені, тағы ондаған адамды тұтқынға алғаны туралы мәлімет жариялады.
Аталмыш БАҚ-тың хабарлауынша Газадан Израильдің оңтүстік және орталық аудандарына 3 мыңға жуық зымыран атылыпты. Жексенбі күні кешке Израильдің денсаулық сақтау министрлігі жараланғандар саны ауруханаларда кем дегенде 2243 адам екенін хабарлады, олардың 22-сі – ауыр жағдайда.
Өз кезегінде Палестина Денсаулық сақтау министрлігі Газада Израильдің әуе шабуылдарынан кем дегенде 370 адам қаза тапқанын, тағы 2,2 мың адам жарақат алғанын хабарлады.
