Ауғанстанның батысында қуатты жер сілкінісі болды, деп хабарлайды Sarbaz.kz.
Euronews агенттігінің ақпаратынша, зілзала құрбандарының саны өсуі мүмкін, көп адам қирандылар астында жатыр.
Жергілікті биліктің хабарлауынша, Ауғанстанның батысындағы Герат провинциясында жер сілкініп, кемінде 120 адам мерт болған, мыңнан астам адам жарақат алған.
Құрбан болғандар мен жарақат алғандар саны өсуі мүмкін. Өйткені көп адам әлі қирандылар астында жатыр.
Зілзаладан әсіресе Зенда Джан ауданындағы 4 ауыл қатты зардап шекті, онда ондаған үйге зақым келген.
АҚШ геологиялық қызметінің мәліметтері бойынша, сенбі күні осы ауданда 6.3 магнитудалы дүмпу болған. Зілзаланың ошағы Герат қаласынан солтүстік-батысқа қарай 40 км қашықтықта жатыр.
