Олар жауынгерлік тапсырмаларды орындау барысында өзін өзі қамтамасыз ете ала ма?
Еліміздегі танк бөлімшелерінің қызметінде қандай әскери техникалар бар? Құрлық әскерлері бас қолбасшысының қару-жарақ бас басқармасының аға бағыт офицері Самат Әсілбеков осы сауалға тоқталып өтті, деп хабарлайды Sarbaz.kz.
Қазіргі уақытта еліміздегі танк бөлімшелерінде Танк Т-72 техникасы бар. Сол сияқты кейбір бөлімшелерде Танк Т-72Б тұр.
«Танк Т-72 техникасында өте көп мотоқор ресурсы бар. Олар әртүрлі модернизацияға жарамды. Бөлімшелерімізде тұрған танктің бұл түрінде лазерлі көздеуішпен жасақталған және қорғанысы мықты.
Танк бөлімшелерінде бұдан өзге өзін өзі қамтамасыз ететін өзге де көліктер, техникалар бар. Нақтырақ айтар болсақ, май құю машиналары, аспаздық машинасы және техникалық қамтамасыз ету көліктері бар. Сол себепті танк бөлімшелері кейбір ұрыстарда жауынгерлік тапсырмаларды орындау барысында өзін өзі қамтамасыз етеді, сол сияқты автономды жұмыс істей алады», - дейді Самат Әсілбеков.