Бұл қызмет түрі қағаз құжат айналымын едәуір қысқартады
Фото ашық дереккөзден
Қорғаныс министрлігі Egov порталындағы жеке кабинетке ұқсас «әскери қызметшінің кабинеті» модулін әзірледі. Бұл туралы ҚР Қорғаныс министрінің орынбасары Дархан Ахмедиев Орталық коммуникациялар қызметінде өткен брифингте айтты, деп хабарлайды Sarbaz.kz.
Бұл жоба әскери қызметшіге нақты уақыт режимінде оның қызметіне қатысты мәліметтерді көруге, қажетті анықтамалар алуға және баянаттар беруге мүмкіндік береді. Бұл қызмет түрі қағаз құжат айналымын едәуір қысқартады және артық бюрократиялық рәсімдерді болдырмайды.
«Бүгінгі таңда жергілікті әскери басқару органдарының ақпараттық жүйесі және оның басқа мемлекеттік органдармен интеграциялық өзара іс-қимыл деңгейі азаматтардың өмірлік циклдарымен байланысты барлық қызметтердің цифрлық форматына көшуді кезең-кезеңімен қамтамасыз етуге мүмкіндік береді», – деді Дархан Ахмедиев.