Олар 2026 жылға дейін шеттетілді
Фото ашық дереккөзден
Қазақстанның Ұлттық допингке қарсы орталығы танымал боксшылар Саматәлі Төлтаев пен Серік Абзалды үш жылға жарыстардан шеттетті, деп хабарлайды Sarbaz.kz.
2022 жылғы Азия чемпионатының қола жүлдегері Саматәлі Төлтаевтың денесінен тыйым салынған оралтуринабол препараты табылған. Ол 2026 жылдың 31 наурызына дейін жарыстарға қатыса алмайды.
Ал Серік Абзал метастерон қолданғаны үшін 2026 жылдың 7 сәуіріне дейін спорттан шеттетіледі. Серік Абзал 2019 жылғы жасөспірімдер арасындағы Азия чемпионы, Бангкокта өткен 2023 жылғы жастар арасындағы Азия чемпионатының күміс жүлдегері.