Халық қаһарманы Рахымжан Қошқарбаевтың туғанына 100 жыл толуы қарсаңында және 12 қыркүйек – Қазақстан Республикасы Жергілікті әскери басқару органдары күніне орай Астана қаласы әскери мекемелерінің арасында футболдан жарыс өтті.
Жарысқа ҚР ҚМ Қару-жарақты бақылау және инспециялауды қамтамасыз ету орталығы, Астана қаласы қорғаныс істері департаменті мен аудандық қорғаныс істері басқармалары, 99255 әскери бөлімі командалары қатысты.
Тартысты да қызықты өткен осы жарыста бірінші орынды Астана қаласы қорғаныс істері департаменті, ал екінші орынды 99255 әскери бөлімі, үшінші орынды ҚР ҚМ Қару-жарақты бақылау және инспециялауды қамтамасыз ету орталығы олжалады. Әскери қызметшілер мен олардың отбасы мүшелері қатысқан осындай спорттық жарыстар елордалық әскери мекемелерде жүйелі түрде жалғасын табуда.