Ұрыс барысында командирге қандай міндет жүктеледі
Елімізде Гвардейск гарнизонының барлаушылары тауда ұрыс жүргізудің қыр-сырын меңгеру жұмысын жүргізіп жатыр, деп хабарлайды Sarbaz.kz.
Олар тәжірибелі нұсқаушылардың басшылығымен өтетін практикалық сабақтарда таулы жерде атыс жүргізу тәсілдерін игеруде.
«Позицияға орналастым, жауды көріп тұрған жоқпын, мені де байқамағанына сенімдімін». Мұндай ақылға қонымсыз тұжырым салдарынан сарбаз оққа ұшары анық. Әр бағытыңызға тұзақ құрған адам шалыс басқан қадамыңызды асыға күтіп отырады. 21450 әскери бөлімінің барлаушылары жаттығу алаңында бұл тығырықтан құтылу амалын көрсетті.
«Барлау ротасының бөлімшелері бүгінгі сабаққа жақсы дайындалған. Оны көрсете білді. Бәріне жақсы деген баға қойылады. Болашақта қойылған тапсырмалардың бәрін нәтижелі орындауға дайынбыз», - дейді арнайы мақсаттағы барлау ротасының командирі, аға лейтенант Ерсұлтан Әбдібек.
Мәселен драгунов снайперлік винтовкасы 1200 метр жерден нысанды сұлатып түсіреді. Әр жауынгердің өз міндеті бар. Территориясы сұлбасын сызу, атыс траекториясын есепке алу мен адам шығынын болдырмау – командирге қойылар талап.