Ол жапон милитаристерімен де қақтығысқа қатысқан
Алматы қаласының қорғаныс істері жөніндегі департаменті мен Жетісу ауданының басқарма өкілдері 26 шілде күні Илья Григорьевич Кудинді туған күнімен құттықтап барды, деп хабарлайды Sarbaz.kz ҚР Қорғаныс министрлігінің ресми сайтына сілтеме жасап.
Илья Кудин 1927 жылы Алматы облысының Кербұлақ ауданында дүниеге келген. Майданға 1944 жылдың соңында Талдықорған облысынан аттанады. Соғыста артиллерия әскерінде болған.
Германия соғыста жеңілген соң қызыл әскер жауынгері Қиыр Шығысқа жіберіледі. Онда жапон милитаристерімен қақтығысқа қатысады. Сондықтан Илья Григорьевич әскерге алынғаннан соң 7 жылдан кейін ғана елге оралады.
Зейнеткерлікке шыққанға дейін бейбіт уақытта механизатор болып жұмыс істейді. III дәрежелі Отан соғысы орденімен және «1941-1945 жылдардағы Ұлы Отан соғысындағы ерен еңбегі үшін» медалімен марапатталды.
Илья Григорьевичтің атасын мақтан ететін сегіз немересі және шөберелері бар.
Ардагермен әңгіме барысында әскери қызметшілер оның беріктігі мен жомарттығына таң қалды. Әскерилер қарияға зор денсаулық пен ұзақ ғұмыр тіледі. Өз кезегінде Илья Григорьевич те келушілерге қарттарға назар аударып, сұрапыл соғыс кезінде қатыгез жаудан аянбай жанын берген жауынгерлерді есте сақтағаны үшін алғыс айтты.