Алаяқтар 5 жылға бас бостандығынан айырылды
Фото: Shutterstock
Көкшетауда жалғызбасты ананың пәтерге деп жинаған 18 млн теңгесін алаяқтар иемденіп кеткен, деп хабарлайды Sarbaz.kz.
Ақмола облыстық прокуратурасының хабарлауынша, әйелдің ақшасын алдау жолымен иеленген 21 жастағы қала тұрғынына қатысты үкім шығарылды.
«А, есімді азамат адамдар тобымен жас қыздарға анасының жоқтығын пайдалана отырып, анасының жол көлік оқиғасына түскені жөнінде ойдан шығарылған оқиға туралы хабарлағаны анықталды. Олардың аналарына қатысты «проблеманы шешу» сылтауымен, қаскүнемдер 18 000 000 теңге сомасында пәтер сатып алуға жинақталған жәбірленушінің ақшасын алдау жолымен иемденіп кеткен», - делінген ведомство хабарламасында.
Белгілі болғандай, 8 қыркүйекте сот А. есімді азаматты орташа қауіпсіздік мекемесінде 5 жылға бас бостандығынан айырды.
Үкім заңды күшіне енген жоқ.