Фильм Ұлттық ұланның арнайы мақсаттағы бөлімшелері туралы болмақ
Фото ашық дереккөзден
Мемлекет басшысының әскерге шақыру жасындағы жастармен жұмысты күшейту, оларды патриоттық рухта және Отанға қызмет етуге тәрбиелеу жөніндегі тапсырмаларын іске асыру аясында 2022 жылы Қазақстан Республикасы Мәдениет және ақпарат министрлігі Ұлттық киноны қолдау мемлекеттік орталығының тапсырмасымен Ұлттық ұланның арнайы мақсаттағы бөлімшелері туралы «Бүркіт» көркем фильмі түсірілді, деп хабарлайды Sarbaz.kz.
Бұл арнайы масқаттағы бөлімшеде қызмет ететін үш дос туралы хикая. Олардың күнделікті міндеттері – қауіпті қылмыстық топтарға қарсы тұру. Қым-қиғаш оқиғалардың бірінде үшеуінің достығы сыналады.
Фильм авторларының басты мақсаты – кинокартинаның кейіпкерлері арқылы Отанды сүюді, достық пен патриотизмді, намыс пен абыройды, әскери ант пен қызметтік міндетке адал болуды көрсету. Бұдан өзге Ұлттық ұлан арнайы жасағының қызметі арқылы Қазақстанның арнайы мақсаттағы бөлімшелерінің негізгі міндеттерін көрерменге жеткізу болып табылады.
2023 жылдың 2 қарашасында «Бүркіт» әскери көркемсуретті фильмі ел кинотеатрларының экрандарына шығады.