Оқиға Мысырдың Дахаб курортында болған
Фото ашық дереккөзден
Мысырда акула бойжеткенге шабуыл жасады. Бұл туралы Sarbaz.kz тілшісі El Manshar басылымына сілтеме жасап хабарлайды.
Оқиға куәгерлерінің сөзінше, акула қызға қонақүй жағажайында шабуыл жасаған. Бойжеткен аман қалды. Алайда оның қолын ампутациялауға тура келген.
«Алдымен үлкен балықты көрдік. Сосын бірден айқай-шу естілді. Жігіт қызды жағалауға сүйреп жатыр. Ол ес-түссіз. Қолына не болғаны түсініксіз. Акула қолын шынтағына дейін тістеп алды деген күдік бар. Жәбірленушіні қонақжай қызметкерлері бірден алып кетті. Дахабта алғашқы көмек бар, сосын – Шарм-эль-Шейхке», – дейді куәгерлердің бірі.
Акуланы Мысырдың қауіпсіздік қызметі екі сағат бойы іздеген, бірақ оны таба алмаған.
«Маған акула қызға шабуыл жасағаны, иығынан тістеп алғаны айтылды. Кейін жергілікті қауіпсіздік қызметі жыртқышты екі сағат бойы іздеді. Бірақ тапқандарына күмәнім бар. Оны жай ғана қуып жіберген сияқты», – дейді «Москва 24» телеарнасына сұхбат берген куәгер.
Кейінірек Египеттің Қоршаған ортаны қорғау министрлігі зардап шеккен қыздың Мысыр азаматшасы болып саналатынын, оған барлық қажетті көмек көрсетілгенін және қазір жағдайы бірқалыпты екенін хабарлаған.
Айта кетейік, бұл Мысырда соңғы үш айдың ішінде акуланың адамға екінші рет шабуыл жасауы.