Оған одаққа мүше сегіз мемлекеттің өкілдері қатысып жатыр
Фото: REUTERS | Ints Kalnins
Литвада НАТО-ның ауқымды оқу-жаттығуы өтіп жатыр. Бұл туралы Sarbaz.kz тілшісі ТАСС агенттігіне сілтеме жасап хабарлайды.
«Жаттығуларға Литва армиясының инженерлік бөлімшелері, сондай-ақ Бельгия, Ұлыбритания, Венгрия, Латвия, Польша, АҚШ, Чехия және Эстония инженерлік күштерінің өкілдері қатысады»", - делінген хабарламада
НАТО-ның жаттығулары 4-15 қыркүйек аралығында өтеді. Оқу-жаттығу шеңберінде саны 900 адамнан асатын әскери контингент жұмылдырылды.
«Оқу-жаттығудың мақсаты инженерлік бөлімдердің өзара іс-қимылын пысықтау, әскери операциялар кезінде маневрлік бөлімшелерге инженерлік қолдау көрсету болады», - делінген хабарламада.
Жаттығудың негізгі эпизодтары Беларусь шекарасына жақын орналасқан Пабрададағы (Швенченский ауданы) Литва армиясының орталық полигонында, сондай-ақ Руднинкай елді мекенінің жанындағы полигонда өтеді. Жаттығу сценарийі Вильнюс, Йонава және Швенчен аудандарының, сондай-ақ Каунас қаласының азаматтық аумақтарында әскери инженерлік әрекеттерді қарастырады. Әскерилер имитациялық оқ-дәрілер мен пиротехникалық құралдарды пайдаланатын болады.