Балалар арасындағы шахмат турнирі

Қарағанды гарнизонында «Шахмат – ақыл-ой спорты» атты жарыс ұйымдастырылды. Турнир 31775 әскери бөлімінің базасында өтті және оған «Астана» өңірлік қолбасшылығына қарасты әскери бөлімдер қызметшілерінің 5-9 сыныпта оқитын балалары қатысты. 

Админ

  Зияткерлік жарысқа 30-дан астам жасөспірім қатысып, өздерінің логикалық ойлау қабілеті мен тактикалық шеберлігін сынады. Турнирдің басты мақсаты – әскери қызметшілердің балаларының шахматқа деген қызығушылығын арттыру, олардың стратегиялық ойлауын, есте сақтау қабілетін дамыту және жеңіске деген ерік-жігерін қалыптастыру. Сонымен қатар, бұл сайыс жас шахматшыларға өзара тәжірибе алмасуға, жаңа достар табуға мүмкіндік берді. Тартысты өткен ойында 9 сынып оқушысы Даниял Жұматов барлық қарсыласынан басым түсіп, бірінші орынға ие болды. Екінші орынға 9 сынып оқушысы Сани Тұрсынқазыұлы, ал үшінші орынға 6 сынып оқушысы Арсен Алтынбеков тұрақтады. 31775 әскери бөлімінің отбасы мүшелерімен жұмысты ұйымдастыру жөніндегі көмекшісі, турнирдің ұйымдастырушысы Назгүл Серікова жарысқа қатысушыларға алғыс білдіріп, шахмат ойынының маңыздылығын атап өтті: 

  – Шахмат тек ойын ғана емес, ол – ақыл-ойды дамытатын ерекше спорт түрі. Ол зейінділікті арттырып, есте сақтау қабілетін жақсартады, ерік-жігерді шыңдайды. Бұл сайыс жас шахматшыларға жаңа белестерді бағындыруға шабыт береді деп сенемін, - деді Назгүл Бекарысқызы. 

  Турнир жеңімпаздары мен жүлдегерлері грамоталармен марапатталып, арнайы сыйлықтарға ие болды. Ал белсенділік танытқан барлық қатысушыларға 31775 әскери бөлімі командирінің атынан алғыс хаттар табысталды. Осындай іс-шаралар жас ұрпақтың ой-өрісін дамытуға, жеңіске деген ұмтылысын арттыруға және жаңа достық қарым-қатынастар орнатуға ықпал етеді. Алдағы уақытта да осындай жарыстар жалғасын табады деп күтілуде.

__Последние новости

  • САРБАЗ СӘЛЕМІ

РЕДАКТОР

19/11/2025 - 14:21
Админ
  • САРБАЗ СӘЛЕМІ

ЖҮРЕКТЕГІ МӘҢГІЛІК АЛАУ…

17/11/2025 - 23:19
  • САРБАЗ СӘЛЕМІ

МІНЕ, НАҒЫЗ МАМАН!

16/11/2025 - 23:18
  • Басты назарда

СОЛ БІР КЕЗ...

15/11/2025 - 13:13
  • САРБАЗ СӘЛЕМІ

Қаламды қару еткен ағаларым

13/11/2025 - 10:46
  • САРБАЗ СӘЛЕМІ

ӘСКЕРИ ЖУРНАЛИСТЕРДІҢ ӘҢГІМЕСІ

08/11/2025 - 10:36
  • САРБАЗ СӘЛЕМІ

«Жасұлан» әскери-патриоттық ойыны

07/11/2025 - 10:30
  • САРБАЗ СӘЛЕМІ

Бар жақсылық – балаларға

07/11/2025 - 09:31
  • САРБАЗ СӘЛЕМІ

Сарбаздарды шығарып салу салтанаты

04/11/2025 - 10:28
  • САРБАЗ СӘЛЕМІ

АЙРЫҚША ӘСЕРГЕ БӨЛЕГЕН АШЫҚ ЕСІК КҮНІ

02/11/2025 - 11:19