Шымкент гарнизонында Ұлы Отан соғысындағы Жеңістің 80 жылдығына арналған әскери шеруге қатысатын әскери қызметші әйелдерді қарқынды даярлау басталды. Жеңіс ұрпағының ерлігіне құрмет көрсететін іс-шара осы жылдың мамыр айының басында Астанада өтеді.
Қатысушылар гарнизон әскери бөлімдері мен мекемелерінің әскери қызметшілері арасында таңдалды. Олардың әрқайсысында керемет дене дайындығымен ғана емес, сонымен қатар қатаң тәртіптің жоғары деңгейін көрсете білуі керек.
Бірнеше апта ішінде олар өздерінің бөлімшелерін елдің басты алаңында лайықты түрде таныстыру үшін саптық қадамды жетілдіреді, түзеулер мен қозғалыстардың синхрондылығын жетілдіреді.
Нұсқаушылар атап өткендей, әйелдердің шеруге қатысуы – бұл күнделікті ұзақ жаттығулар мен өзін-өзі тәрбиелеуден, сондай-ақ Ұлы Отан соғысы жылдарында Отан үшін от кешкен апаларымыздың ерлік істеріне тағзым етуден тұратын ауыр және жауапты жұмыс.
– Қатысушылардың әрқайсысы үшін бұл – үлкен құрмет пен жауапкершілік. Олар әскери даярлықтың жоғары деңгейін ғана емес, сондай-ақ Рухтың күшін, өз кәсібіне деген табандылық пен адалдықты көрсетеді, - деп атап өтті Шымкент гарнизонының бастығы подполковник Сергей Бибулатов.
Әскери қызметшілер тәжірибелі нұсқаушылардың жетекшілігімен күнделікті жаттығулардан өтеді. Нәзік жанды жауынгерлеріміз шеруде өнер көрсету ұмытылмас оқиға болатынына және Ұлы Жеңістің тарихи жадын сақтауға үлес қосатынына сенімді.
– Мен осындай маңызды іс-шараға қатысу үшін таңдалғанымды мақтан тұтамын. Бұл – біздің батырларды құрметтеуге және армияның бірлігін көрсетуге мүмкіндік, - деп бөлісті майор Лаура Мұшанова.
Дайындық жалғасуда және қатысушылар елордадағы шеруде саптық даярлық пен тәртіптің жоғары деңгейін көрсете алатынына сенімді.