Қазақтың жүрегі, болашағы – ару қыздарымыз. Толғанай Баделханқызының өмір жолы – осы бір айтулы қасиетті ұғымның айқын дәлелі. Ол Қарағанды облысының Қарқаралы ауданында 2004 жылдың 12 қазанында дүниеге келіп, бүгінгі таңда тек медицина саласында ғана емес, әскери қызметте де жетістіктерге жетіп, жастарға үлгі боларлықтай тұлғаға айналды.
Толғанай Мәдениет ханымның білім жолы 2010 жылы басталған. Қарағанды облысы, Топар кентіндегі №1 мектепте 2019 жылға дейін оқып, кейін Қарағанды облысының Қарағанды жоғарғы медициналық интерколледжінде фельдшер мамандығы бойынша білімін жалғастырды. Өзінің табандылығы мен еңбекқорлығы арқасында 2023 жылы оқу орнын сәтті аяқтап, білікті маман атанды. Қарағанды қаласында Жедел жәрдем №5 станциясында фельдшер болып қызмет еткен Толғанай Мәдениет өз мамандығының шебері ретінде халыққа көмектесуді, денсаулық сақтау саласында маңызды рөл атқаруды өзіне басты міндет санайды. Ол адамдардың өміріне араша түсіп, жедел жәрдем қызметінің ажырамас бөлігіне айналды. Өміріндегі жаңа белес 2023 жылдың қазан айында келді, ол кезде фельдшер ару 31775 әскери бөлімінде 1-ші мотоатқыштар ботальонының бөлімше командирі-фельдшер лауазымына тағайындалды. Бұл оның үлкен жауапкершілік пен әскери қызметке деген адалдығын дәлелдеді. Қазіргі таңда ол кіші сержант атағына ие болып, 2024 жылы кезекті сержант атағын да алды. Осы жолда ол тек әскери саладағы қызметін ғана емес, ел қорғаны, патриоттық рухты жоғары деңгейде сезінетін тұлға ретінде қалыптасты.