«Шығыс» өңірлік қолбасшылығының Абай гарнизонында ҚР Парламенті Мәжілісінің депутаты Нұртай Сабильяновпен кездесу болды.
Кездесуде әскери саладағы заңнамалық жаңалықтар талқыланды. Депутат Нұртай Сабильянов заң шығарушы органның әскери қызметтің беделін арттыруға, Отан қорғаушылардың әлеуметтік қамсыздандырылуын жақсартуға және әскери-патриоттық тәрбиені жандандыруға бағытталған жұмысы туралы әңгімеледі. Ол атап өткендей, әскери қызметшілердің бір «артықшылығы» сол, әрқашан алдыңғы қатарда болу, сол себептен мемлекет тарапынан қамқорлық көрсетілуі тиіс. Нұртай Салихұлы елдің қорғаныс қабілетін нығайтуға әрі әскери қызметші мәртебесін арттыруға бағытталған заңнамалық процестің егжей-тегжейін ашып түсіндірді. Қойылған сауалдарға да жауап берді.
Кездесуге «Шығыс» өңірлік қолбасшылығы әскерлерінің қолбасшысы полковник Жеңіс Маралов, Абай облыстық қорғаныс істері департаментінің бастығы полковник Руслан Омаров және бір топ әскери қызметші қатысты.