Қазақстан Республикасы Қарулы Күштерінің Құрлық әскерлері "Астана" өңірлік қолбасшылығы әскерлері қолбасшылығының ұйымдастыруымен әскери бөлімдер арасында қазақша күрес пен самбодан жарыс болып өтті.
Дәл осы жарысқа өте тыңғылықты дайындалып барған 06708 әскери бөлімінің әскери қызметшілері алдарына жан салмай, топтық көрсеткіште қазақша күрестен бөлек самбо бәсекесінен де жеңістік биік тұғырына көтеріліп жүлделі І орынды иеленді.
Жекелей сында өнер көрсеткендер қатарынан қазақша күрестен 66 келі салмақта сержант Асхат Серікбеков топ жарса, 90 келі салмақта капитан Телжан Орынғажиев пен 90 келіден жоғары салмақта капитан Аян Есіркепов жүлделі ІІ орынды иеленді. Осы күрес түрінен 82 келіде сынға түскен капитан Мағжан Жұмажанов жүлделі ІІІ орынды қанағат тұтты.Ал, енді самбо күресінен күш сынасқан бар қатарынан 58 келіде қатардағы жауынгер Баубек Жүсіпбек пен 71 келіде сержант Асхат Серікбеков жеңістің биік тұғырына көтерілсе, 58 келі салмақта күш сынасқан ефрейтор Ералы Қалдарбек жүлделі ІІ орынды жеңіп алды. Топ құрамындағы 88 келіде капитан Телжан Орынғажиев пен 98 келіден жоғары салмақта боз кілемде белдескен капитан Аян Есіркепов жүлделі ІІ орын иегерлері атанды. Осы жарыстың күрес түрлерінен топ құрамында Отан алдындағы әскери борышын өтеп жүрген сарбаздар қатарынан күш сынасқан самбодан 64 келіде бағын сынаған қатардағы жауынгер Владислав Шашкин жүлделі І орынды иеленсе, қазақша күрестен 66 келіде белдескен қатардағы жауынгер Бахтияр Амангелді жүлделі ІІ орынды қанжығасына байлап қайтты. Осындай жеңіске толы жетістіктерге қол жеткізген "Астана" өңірлік қолбасшылығы әскерлеріне қарасты 06708 әскери бөлімінің жеке құрамы бұдан да жоғарғы биіктерден көріне береді деген сенімдеміз! Жеңістеріңіз құтты болсын!
Приозерск гарнизонының баспасөз хатшысы Думан Жұмашұлы