Өткен сәрсенбі күні елімізде алғаш құрылған арнайы жасақ бөлімшесінің негізін қалаушы және алғашқы командирі, ҚР ІІМ Еңбек сіңірген қызметкері және ҚР Құрметті ардагері, спорттың қоян-қолтық жекпе-жек түрінен Әлем чемпионы, отставкадағы полиция полковнигі Даулет Темірхановтың «Бүгілмес болат, сынбас семсер» кітабының қазақ және орыс тілдеріндегі тұсаукесері өтті.
Бұл кітапта ел тарихында «Өтпелі кезең» деген атпен қалған кезеңдегі бопсалау, кепілдікке алынған адамдарды босату, есірткі саудасы, экстремизм мен терроризм актілерін жою, тағы басқа да болған оқиғаларды сипаттайды. Бүгінгі күні жастар тәрбиесінде жетіспей жататын патриотизм, Отанға қызмет сынды құндылықтарды насихаттайтын бұл кітапта арнайы жасақ қызметінің қалыптасу, даму кезеңдері туралы бұрын-соңды жарық көрмеген тарихи хронология паш етілген. Қауіп-қатермен күнделікті бетпе-бет келіп, қарулы қылмыскерлерге қаймықпай қарсы тұратын қазақстандық арнайы жасақ қызметкерлерінің ерекше ерлігі мен жақиярлығы оқырманды өзіне тартып алатыны анық.
Іс-шара аясында Д.Темірхановтың өмірі мен кәсіби қызмет жолын сипаттайтын фотокөрме, театр және кино актерлерінің орындауында кітаптан монологтар оқылды.