Қазақстан Республикасы Қарулы Күштерінің "Астана" өңірлік қолбасшылығы 06708 әскери бөлімінің "Жас зеңбірекші" әскери-патриоттық клубының тәрбиеленушілері Қарағанды облысының "Приозерск қала жастар ресурстық орталығы" коммуналдық мемлекеттік мекемесі ұйымдастырған қалалық форумға қатысты.
Көпшілік жиналған ортада Приозерск қалалық Маслихатының төрағасы Алтай Исатаев "Жас зеңбірекші" әскери-патриоттық клубының тәрбиеленушілері, Қарағанды облысы білім басқармасының Приозерск қалалық білім бөлімінің "Приозерск қаласының N1 жалпы білім беретін мектебі" коммуналдық мемлекеттік мекемесінің оқушылары Толғанай Таткенді, Біржан Махмудты және Төремұрат Мәдиханды салтанатты түрде Алғыс хатпен марапаттады. Форум барысында "Приозерск қаласы ішкі саясат" мемлекеттік мекемесінің басшысы Гульжахан Шарбекова сахна төріне көтерілген клуб тәрбиеленушілерінің көз алдында Приозерск қаласының әкімі Ахметов Мансур қала жастарын көтермелеу үшін тағайындаған "
" Талап 2024" сыйақысының "Үздік әскери-патриоттық клуб жетекшісі" номинациясының арнайы сертификатын "Жас зеңбірекші" әскери-патриоттық клубының жетекшісі Тілек Кенжебековке табыс етті. Жастар форумын өткізуде "Приозерск қаласы жастар ресурстар орталығы" коммуналдық мемлекеттік мекемесінің бастығы уақытша міндетін атқарушы Бердимуратов Адильбек асқан белсенділік таныта білді.
Приозерск гарнизонының баспасөз хатшысы Думан Жұмашұлы