ҚР Қарулы Күштері Ұлттық әскери-патриоттық орталығының Семей қаласындағы филиалында және дарынды балаларға арналған Шоқан Уәлиханов атындағы «Жас ұлан» ерлер мектеп-лицейі интернатының базасында «Егемен елдің ертеңі – жас сарбаз» I облыстық жас патриоттар форумы өтті.
Ол жастар арасында әскери-патриоттық жұмыстарды жетілдіру, болашақ Отан қорғаушыларды даярлау, салауатты өмір салтын насихаттау, әскери-қолданбалы спорт түрлерін дамытып, спортшылардың тактикалық және техникалық шеберлігін арттыру мақсатында жүзеге асты. Форумды Абай облысы білім басқармасы, басқарманың дарындылық пен қосымша білім беруді дамытудың облыстық ғылыми-әдістемелік «Дарын» орталығы және «Шығыс» өңірлік қолбасшылығы ұйымдастырды.
Алғашқы күні қатысушыларға ҚР Қарулы Күштері Ұлттық әскери-патриоттық орталығының Семей қаласындағы филиалында «Даңқ» және «Шығыс» өңірлік қолбасшылығының тарихи мұражайлары көрсетілді. Форумның ашылу салтанатында «Шығыс» өңірлік әскерлері қолбасшысының тәрбие және идеологиялық жұмыстар жөніндегі орынбасары полковник Дархан Әжібаев, Абай облысы ішкі саясат басқармасының басшысы Айдар Садырбаев, Абай облысы білім басқармасының басшысы Нұржан Ахметқалиев, Абай облысы төтенше жағдайлар жөніндегі департамент бастығының орынбасары полковник Азамат Орымбаев, Абай облысы қорғаныс істері жөніндегі департамент бастығының міндетін уақытша атқарушы полковник Қайрат Тәттікенов, Абай облысы полиция департаменті ішкі істер басқармасы бастығының орынбасары подполковник Бауыржан Садақбаев, 5511 әскери бөлімі командирінің тәрбие жұмыстары жөніндегі орынбасары майор Рустем Гадуллин, Ауған соғысының ардагерлері Боранбай Бегатов пен Айдар Манасов және таулы Қарабахтағы этносаралық қақтығыстарды реттеудегі Абай облысы бойынша ардагерлер кеңесінің төрағасы Жеңіс Жүрсінбаев үздіктерді марапаттады. Дарынды балаларға арналған Шоқан Уәлиханов атындағы «Жас ұлан» ерлер мектеп-лицейі интернатының директоры Бауыржан Дүйсебаев, Семей қаласы №37 гимназия директоры Жанат Малғаждарова, Ақсуат ауданы Кәрім Нұрбаев атындағы орта мектеп директоры Бейбітжан Көшкімбаев, Абай ауданы Шаймардан Тоқжігітов атындағы орта мектеп директоры Ерлан Ақбергенов, Көкпекті ауданының орта мектеп директоры Нұргүл Сарманова алғыс хат алды. Семей қаласы Шәкәрім атындағы үш тілде оқытатын көпбейінді №5 гимназияның алғашқы әскери және технологиялық дайындық пәнінің оқытушы-ұйымдастырушысы Серік Түсіпов, Бауыржан Момышұлы атындағы №34 орта мектептің алғашқы әскери және технологиялық дайындық пәнінің оқытушы-ұйымдастырушысы Шопайхан Нукунов, №9 орта мектептің алғашқы әскери және технологиялық дайындық пәнінің оқытушы-ұйымдастырушысы Серік Хабаев, Шоқан Уәлиханов атындағы «Жас ұлан» ерлер мектеп-лицейі интернаты директорының орынбасары Сарқытбек Махметов, Ақсуат ауданы Тана мырза орта мектебінің алғашқы әскери және технологиялық дайындық пәнінің оқытушы-ұйымдастырушысы Айдын Байназаров, Абай ауданы Мұхтар Әуезов атындағы орта мектептің алғашқы әскери және технологиялық дайындық пәнінің оқытушы-ұйымдастырушысы Әділет Ибраев, Жарма ауданы Георгиевка орта мектебінің алғашқы әскери және технологиялық дайындық пәнінің оқытушы-ұйымдастырушысы Дәулет Рахымғалиев, Жаңасемей ауданы Шүлбі кентінің әкімі Арай Қалиева, Бородулиха ауданы Әлихан Бөкейхан атындағы қазақ орта мектебінің алғашқы әскери және технологиялық дайындық пәнінің оқытушы-ұйымдастырушысы Сәкен Қошалақов, Семей қаласы №49 орта мектептің алғашқы әскери және технологиялық дайындық пәнінің оқытушы-ұйымдастырушысы Ардақ Тоқтыбаев, Семей қаласы балалар мен жастар шығармашылық сарайының әскери-патриоттық тәрбие жөніндегі меңгерушісі Бекен Үкібасов, Абай облысы дарындылық пен қосымша білім беруді дамытудың облыстық ғылыми-әдістемелік «Дарын» орталығының әскери-патриоттық бағытты дамыту бөлімінің әдіскері Марат Бейсенбаев, Көкпекті ауданы орта мектебінің алғашқы әскери және технологиялық дайындық пәнінің оқытушы-ұйымдастырушысы Ержан Ғабитханов, Бесқарағай ауданы білім басқармасының алғашқы әскери және технологиялық дайындық пәнінің оқытушы-ұйымдастырушысы Бек Закуов, Курчатов қаласы №4 орта мектептің алғашқы әскери және технологиялық дайындық пәнінің оқытушы-ұйымдастырушысы Темірлан Әбішев, Жаңасемей ауданы Бұлақ орта мектебінің алғашқы әскери және технологиялық дайындық пәнінің оқытушы-ұйымдастырушысы Қуаныш Бекбосынов, Семей қаласы Төлеубай Аманов атындағы №16 орта мектептің алғашқы әскери және технологиялық дайындық пәнінің оқытушы-ұйымдастырушысы Екпін Шүршітбай, Абай ауданы Шаймардан Тоқжігітов атындағы орта мектептің «Жас сарбаз» жетекшісі Ерасыл Жақсылықов, Аягөз ауданы Ақтоғай орта мектебінің алғашқы әскери және технологиялық дайындық пәнінің оқытушы-ұйымдастырушысы Жайлаубай Рақышев, Абай ауданы Мұхтар Әуезов атындағы орта мектептің «Жас сарбаз» жетекшісі Ернар Құрманғалиев, Мақаншы ауданы Найманбай атындағы орта мектептің алғашқы әскери және технологиялық дайындық пәнінің оқытушы-ұйымдастырушысы Асқар Садуақасов, Үржар ауданы Абай атындағы орта мектеп-бақшасының алғашқы әскери және технологиялық дайындық пәнінің оқытушы-ұйымдастырушысы Асқарбек Көшербаев және Мақаншы ауданы Бауыржан Жүнісов атындағы орта мектеп-бақшасының алғашқы әскери және технологиялық дайындық пәнінің оқытушы-ұйымдастырушысы Мұхаметқали Бөрібаев өскелең ұрпақты тәрбиелеудегі үздік қызметі үшін құрметке бөленді. Сондай-ақ, халықаралық X «Айбын-2024» әскери-патриоттық жастар жиынының жеңімпаздары «Абай қырандары» құрама командасы, Шоқан Уәлиханов атындағы «Жас ұлан» ерлер мектеп-лицейінің тәрбиеленушілері және «Шығыс» өңірлік қолбасшылығы 44736 әскери бөлімінің шефтік қамқорлығындағы №49 орта мектептің «Жас барлаушы» әскери-спорттық патриоттық клубының құрамасына қошемет көрсетілді. Оқушылар түстен кейін 30217 әскери бөліміндегі Ашық есік күніне қатысты. Казармалар мен оқу орындарында болып, әскери техника мен қару-жарақ түрлерін жақынырақ көрді.
Форумның екінші күні командалар құрамы республикалық «Жас ұлан» әскери-спорттық ойынының облыстық кезеңінде алғашқы әскери дайындық пәнінен алған білімдері мен әскери-спорттық шеберліктерін сынады. Тарихи-іздеу зерттеу жобасын Семей қаласының, Жарма және Ақсуат аудандарының командасы үздік қорғап шықты. 1500 метрге жүгіруден ұлдар арасында Нұрбек Ильясов, Дастан Гусманов, Ерасыл Жұмабек бірінші келді. Қыздар арасында 500 метрге жүгіруден Айзере Жетібай, Дамира Қайрова, Диляра Қабиева ерекшеленді. Әскери-қолданбалы спорт түрлері бойынша белтемірге тартылудан Ислам Аманбаев, Темирлан Кубылтаев, Алмас Тоғжанов, арқаға жатып, кеудені көтеруден Айзере Жетібай, Диляра Қабиева, Аяла Қазтаева алдына жан салмады. АК-74 автоматын жартылай бөлшектеу мен жинақтауда ұлдар арасында Мұхаметәли Тәңірбергенов, Дастан Гусманов, Ислам Аманбаев, қыздар арасында Айзере Жетібай, Балым Мейірханова, Балнұр Омарова жақсы дайындық деңгейін дәлелдеді. Жалпыкомандалық есепте Семей қаласының, Аягөз және Бородулиха аудандарының командасы жеңімпаз атанды. Ұл-қыздардың барлығына республикалық «Жас ұлан» әскери-спорттық ойынының облыстық кезеңіне қатысқанын растайтын сертификат та берілді.
Әсем НҮСКЕНОВА, Абай облысы білім басқармасы бастығының орынбасары: «Егемен елдің ертеңі – жас сарбаз» I облыстық жас патриоттар форумына 10 ауданнан және 2 қаладан алғашқы әскери және технологиялық дайындық пәнінің 50 оқытушысы келді. Бұл форум «Жас сарбаз» әскери-патриоттық қозғалысын дамыту арқылы ұрпақтар сабақтастығын жалғастыру, патриоттық тәрбие жұмысын барынша жандандырып, Қарулы Күштердің беделін көтеру әрі жас жеткіншектерді отансүйгіштік, патриоттық рухта өз елінің нағыз қорғаушысы болуға тәрбиелеу мақсатында жүзеге асты. Бүгінгі күні Абай облысының білім беру ұйымдарындағы 234 әскери-патриоттық клубқа 5187 оқушы барады. 33 мектептегі 59 «Жас сарбаз» сыныбы 929 оқушыны қамтиды. «Жас сақшы», «Жас құтқарушы», «Жас қыран», «Жас бүркітші» сыныптары да бар. Оған қоса 28 колледжде 800 студент қатысатын әскери-патриоттық клубтар жұмыс істейді. Сондай-ақ, 10-11 сыныптарының 12 мың оқушысы және колледждердің 6407 студенті алғашқы әскери және технологиялық дайындық пәніне қатысады. «Шығыс» өңірлік қолбасшылығының Абай, Өскемен, Аягөз гарнизондарындағы әскери бөлімдермен әскери-патриоттық тәрбие беруді дамыту бағытындағы жүйелі жұмыс жолға қойылған».
Алуа ИСКАКОВА,
Суреттерді түсірген автор