Алматыда әлемнің 20 елінен 200-ден аса маман «Қоғамның тұрақты дамуы жолындағы мұра институттары» тақырыбында Қазақстан мұрағатшыларының II Конгресіне жиналды.
Іс-шараны Қазақстан Республикасы Президентінің Мұрағаты Мұрағаттар халықаралық кеңесінің (ICA), ЮНЕСКО-ның Өңірлік кеңсесінің қолдауымен, ҚР Сыртқы істер, Мәдениет және ақпарат министрліктерімен, Алматы қаласы әкімдігімен бірлесіп ұйымдастырды.
Конгреске ҚР Қорғаныс министрлігі Орталық мұрағатының бастығы подполковник Талғат Құлжанбеков қатысты.
Пленарлық және панельдік сессияларда мұрағат ісі саласындағы мамандар тарихи-мәдени және деректі мұраны сақтаудың өзекті мәселелерін талқылады. Бұл климаттың өзгеруі, деректерді басқару жүйелері, мұрағатшылардың кәсіби білімі жағдайында мұрағаттау қиындықтарын жеңу төңірегінде болды. Халықаралық диалог жүйесіндегі мұра институттарының тақырыптары, қоғамның тарихи жадын қалыптастыру және басқалары да қозғалды.
Подполковник Т.Құлжанбеков атап өткендей, заманауи құралдар, бір жағынан, жаңа мүмкіндіктер ашады, екінші жағынан, деректер қауіпсіздігі мәселелерін өзектендіреді.
– Конгресс қорытындысы бойынша мұрағатшылардың кәсіби қауымдастығы мұрағаттарды қазіргі заманғы цифрландыру құралдары арқылы қоғамның назарын баға жетпес білімнің түрлі дереккөздеріне аудару және оларды танымал ету қабілеті туралы мәлімдеді, - деді ҚР Қорғаныс министрлігі Орталық мұрағатының бастығы.
Оған қоса конгресс аясында воркшоптар, вебинарлар, мұрағаттар мен университеттерге далалық сапарлар, жетекші халықаралық және отандық сарапшылардың шеберлік сабақтары, семинарлар, хакатондар және деректі көрмелер өткізілгенін атап өтелік.