Абай гарнизонының әскери бөлімдері арасында 10 шақырымға бөлімше құрамында жүгіруден жарыс өтті. Жарысқа гарнизонның 8 әскери бөлімі қатысып, жүзден жүйрік, мыңнан тұлпар әскери бөлімді анықтады.
Спорттық шара Қазақстан Республикасының қорғаныс министрлері болған генерал-полковник Сәт Тоқпақбаев пен генерал-полковник Әлібек Қасымовтың құрметіне орай өткізілді.
Жиырма әскери қызметшіден құралған сегіз бөлімше 10 шақырымды бағындыруда алдарына жан салмады. Бөлімше құрамында офицерлер, келісімшарт бойынша әскери қызметшілер және сарбаздар қатысты.
Жарыстың қортындысы бойынша үшінші орынды 30217 әскери бөлімі, екінші орынды 36803 әскери бөлімі, жүлделі бірінші орынды 74884 әскери бөлімі жеңіп, үздік атанды.
Абай өңірлік гарнизонының баспасөз қызметі