«Асыл аналар» және «Отбасын қорғау орталығы» қоғамдық бірлестіктері «Астана» өңірлік қолбасшылығына қарасты 31775 әскери бөлімінде экскурсия өткізді.
Аналар әскери бөлімнің инфрақұрылымымен, сарбаздардың тыныс-тіршілігімен және күнделікті өмірімен танысты. Бала үшін алаңдаған аналарға тамақ, жатын орын мәселесіне баса назар аударып, асхана, казарма, оқу кабинеттерін аралатты. Сапар барысында аналар әскерге шақырылғандар мен олардың командирлерімен әңгімелесіп, көкейтесті сұрақтарын қойды, сондай-ақ сарбаздардың ата-аналарымен бейнебайланыс жүргізді. Әскери бөлімді аралауға келгендер қатарында Қазақстан Республикасы Қарулы Күштерінің ардагері, отставкадағы полковник Амангелді Жантасов, «Астана» өңірлік қолбасшылығы қолбасшысының орынбасары, полковник Ерболат Шерімбетов, Қарағанды облысы қорғаныс істері жөніндегі департаментінің орынбасары, подполковник Еркебұлан Мұстағұлов болды. Офицерлер қонақтарды әскери борышын өтеу тәртібімен таныстырып, әскердегі әскери қызметшілердің қауіпсіздігін қалай қадағалайтынын айтып берді. Келген қонақтардың қатарында сарбаздың анасы Зәмзәгүл Мамалинова болса, оның ұлы Нұрсәт те сол бөлімшеде қызмет етеді. Сарбаздың анасының айтуынша, жауынгер баласының өмірін және басшылықтың қарамағындағыларға деген көзқарасын көргеннен кейін ол алаңдайтын ештеңе жоқ екенін түсінді.
– Баласы үйде болмаған кезде аналардың жүрегі үнемі алаңдайды. Бірақ әскердегі жігіттердің көңіл-күйлері жақсы. Казармада бәрі таза, жинақы. Асханада дәмді және қанағаттанарлық түскі ас бар. Әскери қызметшілермен сауатты және жауапты командирлер жұмыс істейді. Ұлым маған әскердегі барлық нәрсені ұнататынын айтатын, бүгін мен мұны жеке тексере алдым», - деп бөлісті Зәмзәгүл Мамалинова.