Цав 9 тобының мүшелері Иорданиядан Газаға барар жолда жолдарды жауып, Газаға гуманитарлық көмектің жеткізілуіне кедергі жасамақ болды
pixabay
АҚШ Мемлекеттік департаменті жұма күні Газадағы бейбіт тұрғындардың өмірін сақтап қалу үшін қажет гуманитарлық көмекке бірнеше рет тосқауыл қойған израильдік топқа санкция салды, деп хабарлайды golosameriki.com сайты.
Цав 9 тобының мүшелері Иорданиядан Газаға барар жолда жолдарды жауып, Газаға гуманитарлық көмектің жеткізілуіне кедергі жасамақ болды. Мемлекеттік департаменттің хабарлауынша, топ жүк көліктеріне зақым келтіріп, гуманитарлық жүктерді жолдарға тастаған.
Гуманитарлық көмек көрсету Газадағы гуманитарлық дағдарыстың нашарлауына жол бермеу және ашаршылық қаупін азайту үшін өте маңызды, – деді Мемлекеттік департаменттің өкілі Мэтью Миллер.
Осы жылдың ақпан айында президент Джо Байден Америка Құрама Штаттарына «Иордан өзенінің батыс жағалауындағы бейбітшілік пен тұрақтылыққа қауіп төндіретін» экстремистік израильдік қоныстанушыларға қарсы санкциялар енгізу құқығын беретін бұйрыққа қол қойды.
13 мамырда Цав 9 мүшелері Газаға бара жатқан екі жүк көлігін тонап, өртеп жіберді, деді Миллер.
Миллер мәлімдемесінде АҚШ гуманитарлық көмектің Газаға жетуіне жол бермеуге тырысатын топтарды жауапкершілікке тартуды жалғастыратынын айтып, Израиль үкіметін де солай етуге шақырды.
Біз маңызды гуманитарлық көмекке қарсы диверсия мен зорлық-зомбылық әрекеттеріне жол бермейміз, – деп қосты ол.