Сондай-ақ ХАМАС Байден ұсынған бітімге келу жоспарын қолдамайды
Hassan Ammar/AP/picture alliance
Палестиналық ХАМАС радикалдық тобы Газа секторында тұтқынға алынған израильдіктің қаншасы әлі тірі екенін білмейтінін мәлімдеді, деп хабарлайды Sarbaz.kz dw.com сайтына сілтеме жасап.
Мен білмеймін және ешкім де білмейді, – деді Хамастың Ливандағы өкілі Усама Хамдан.
Сондай-ақ ол ХАМАС-тың соңғы бітімге келу ұсыныстарға, соның ішінде АҚШ президенті Джо Байден ұсынған жоспарға риза емес екенін растады.
Хамданның айтуынша, кепілге алынғандарға қарсы әрекеттер қолданылса, оған Израильдің өзі кінәлі. Хамданға жақында босатылған кепілге алынғандарды тексерген израильдік дәрігерлердің есептері көрсетілді. Дәрігерлер босатылғандардың денесінде соққының ізі барын, кепілге алынғандардың аштықтан қиналғанын растады. Бұған Хамдан «Менің ойымша, егер олардың психикалық проблемалары болса, бұл Израильдің Газаға жасаған әрекеттерінің кесірінен» деп жауап берді.
Ұлттық бірлік партиясының төрағасы және әскери министрлер кабинетінің бұрынғы мүшесі Бенни Ганц Кан телеарнасына берген сұхбатында Израиль кепілге алынғандардың, атап айтқанда екі кішкентай баласымен ұрланған Бибас отбасының не болып жатқанын біледі деп мәлімдеді. Олар 7 қазандағы оқиғалардың символдарына айналған еді. Ганц олар туралы ақпарат қолайлы болған кезде жария болатынын айтты. Бибас отбасының туыстары Ганцтың мәлімдемесін жауапсыздық деп атады.