НАТО-ның Украинадағы «аға азаматтық өкілі» позициясы альянстың шілде айында өтетін саммитінде ұсынылуы мүмкін
НАТО Украинада өзінің арнайы өкілі лауазымын құруды жоспарлап отыр, деп хабарлайды Sarbaz.kz DW-ге сілтеме жасап.
Солтүстік Атлантикалық альянстың Украинадағы «аға азаматтық өкілі» лауазымы блоктың шілдеде өтетін мерейтойлық саммитінде ұсынылуы мүмкін. Арнайы өкіл Украинаға, оның ішінде әскерилерге одақтастардың көмегін үйлестіреді.
Foreign Policy сұхбаттастары атап өткендей, мұндай қадам НАТО-ға Украинаға да, Ресейге де саяси сигналдар жіберуге мүмкіндік береді. Альянс өкілдерінің кейбірі арнайы өкілдің тағайындалуын Украинаны қолдаудың тағы бір қадамы десе, енді бірі НАТО-ға кіруге ұмтылған ел үшін «жұбататын сыйлық» деп атайды.
Бұған дейін АҚШ пен Германия Ресеймен қақтығыстың ушығуынан қауіптеніп, биыл Украинаны НАТО-ға шақыруға қарсы болғаны белгілі болған. Түркия Киевке әскери көмек көрсетуді үйлестіру одақтастардың қақтығысқа белсене араласты деген пікір тудырмауы үшін сақ болуға шақырды.
НАТО-ның арнайы өкілін тағайындау Украинаға Ресей агрессиясына қарсы күресте қолдау көрсету шараларының кең ауқымы аясында талқылануда. Оның тағы бір бөлігі Украинаға бес жыл мерзімге 100 миллиард көлемінде көмек көрсету қорын құру болуы мүмкін, бірақ альянс одақтастары НАТО Бас хатшысы Йенс Столтенбергтің тиісті бастамасын қолдамады, деп хабарлады Bloomberg.
Енді Столтенберг альянс мүшелерінің жалпы сомасы 43 миллиард долларды құрайтын ағымдағы жарналарын сақтауды талап етуде. Бұл ұсыныс НАТО елдері арасында кең қолдау тапты. Жалғыз мәселе – Венгрияда, олар Украинаға көмекті кеңейтуден бас тартуға мүмкіндік беруді сұрады.