Өткен аптада үкімет Палестинаны мойындау туралы ұсынысты мақұлдап, шешімнің күшіне енуі үшін парламентке жіберген
Фото: Euronews
Словения парламентінде дауыс беру жүргізіліп, нәтижесінде басым дауысқа ие болғаннан кейін Палестинаны мемлекет ретінде мойындады. Бұл туралы Sarbaz.kz.kz тілшісі Euronews агенттігіне сілтеме жасап хабарлайды.
Өткен аптада Словения үкіметі Палестинаны мойындау туралы ұсынысты мақұлдап, шешімнің күшіне енуі үшін парламентке жіберген.
Сейсенбі күні парламент бұл ұсынысты қолдап, 52 дауыспен басым болды. Тек бір депутат қана қарсылық танытты.
Бірнеше күн бұрын Палестина мемлекетін Испания, Норвегия және Ирландия мойындады. Бұл шешім Израиль тарапынан сынға ұшырады. Осыған дейін ЕО-ның 27 мүшесінің тек 7-еуі ғана Палестина мемлекетін ресми түрде мойындаған. Олардың бесеуі – бұрынғы Шығыс блок елдері, олар ЕО-ға кірер алдында Кипр сияқты мұндай шешімін жариялаған. Ал Швеция Палестинаны 2014 жылы мойындады.
«Біз одақтастарымызбен осы жылдың ақпанында Палестинаны мойындау туралы ақылдаса бастадық. Ол кездегі жағдай уақыт әлі келмегенін көрсеткен еді», – деді премьер-министр Роберт Голоб.
Голоб парламентте сөйлеген сөзінде Словенияның 1991 жылы бұрынғы Югославиядан жарияланған тәуелсіздігін де атап өтті.
«Біз, словендер бұл құқықты 1000 жыл кеттік. Мұндай бақытқа 33 жыл бұрын ие болды. Өкінішке өарай, Палестина халқы бұл құқықты әлі алған жоқ», – деді Голоб.