Қорғаныс министрлігі мәлімдеме жариялады
Қорғаныс министрлігінің баспасөз қызметі
Бұл туралы Қазақстан Республикасы Қорғаныс министрлігі ресми мәлімдеме жасады, деп хабарлайды Sarbaz.kz.
Ведомствоның мәліметінше, ағымдағы жылдың 3 маусымы мен 6 маусымы аралығында Қазақстан Республикасы Қарулы Күштері бөлімшелерінің жауынгерлік әзірлігі бойынша оқу-жаттығулар өтеді.
Жеке құрам әскери техникамен марш және теміржол арқылы еліміздің әр өңіріндегі оқу-жаттығу полигондарына жеткізіліп, практикалық жауынгерлік дайындық тапсырмаларын орындайды.
Бөлімшелердің берілген тапсырмаларды уақтылы орындаудағы үйлесімділігі мен қабілеттілігі, әскери қызметкерлердің дайындығы, сондай-ақ командирлердің бағынысты және бекітілген бөлімшелерді басқару дағдылары бағаланады. Осыған байланысты әлеуметтік желі қолданушыларынан әскери техниканың қозғалысы туралы жалған хабарламалар мен бейнероликтерді таратпауды және тек ресми ақпарат көздеріне сенуді сұраймыз, – делінген хабарламада.