Құтқарушылар тәулік бойы жұмыс істеуде
ТЖМ
Атырау облысында апаттық-құтқару жұмыстары жүргізілуде, деп хабарлайды Sarbaz.kz Төтенше жағдайлар министрлігінің баспасөз қызметіне сілтеме жасап.
Бүгінгі таңда Атырау облысының Жылыой ауданында су тасқынының зардаптарын жою бойынша шұғыл-құтқару жұмыстары жүргізілуде. Атырау қаласы, Индер және Махамбет аудандарында судың қауіпсіз өтуін қамтамасыз ету бойынша іс-шаралар жалғасуда. Атап айтқанда, қорғаныс бөгеттерін шифермен қосымша бекіту жұмыстары жүргізілуде, – делінген хабарламада.
Облыста су тасқыны басталғаннан бері 7,3 миллион текше метрге жуық су сорылып, 5,2 миллион қап пен 439 мың тонна инертті материал төселгені хабарланды. Құтқарушылар тәулік бойы кезекшілікте. Жағдай бақылауда.