Төтенше жағдайлар министрі Атырау облысына келді
Төтенше жағдайлар министрлігінің құтқарушылары тәулік бойы Жайық өзеніндегі су деңгейін бақылауды жалғастыруда, деп хабарлайды Sarbaz.kz.
Махамбет ауданы, Талдыкөл ауылына апаратын кіреберіс жолдағы судың толып кетуіне байланысты жергілікті тұрғындарды ертерек эвакуациялау туралы шешім қабылданды.
Осылайша ауылдан 121 адам, оның ішінде 41 бала қайықпен кеткен. 26 ауыл тұрғыны жеткізіліп, Атырау қаласындағы эвакуациялау пункттеріне орналастырылды. 90-нан астам адам туыстарынан өз бетінше бөлініп кеткен. Талдыкөл ауылындағы тұрғын үйлер мен әлеуметтік нысандарды су басу фактілері тіркелген жоқ.
Бүгін таңертең Төтенше жағдайлар министрі Шыңғыс Әрінов Атырау облысына келді. Барлық жұмыстар оның жеке бақылауымен жүргізілді.
Сондай-ақ, қазір құтқарушылар Махамбет ауданы Жалғансай ауылының жағалауы маңындағы тасқын суды арнайы техникамен сорып шығаруда. Атырау қаласында жағалау сызығына қосымша қаптар төселді.
Еске салайық, бұған дейін облысқа Қызылорда, Түркістан, Алматы, Ақтөбе, Маңғыстау облыстары, Шымкент қаласынан құтқарушылар топтары мен ҚР Төтенше жағдайлар министрлігі 52 859 әскери бөлімінің әскери қызметшілері жеткізілген болатын.
Төтенше жағдайлар министрлігі тұрғындардан үрейленбеуді, Төтенше жағдайлар департаменті мен жергілікті атқарушы органдардың (әкімдіктердің) ұсыныстарына сәйкес әрекет етуді және қажет болған жағдайда қауіпсіз жерлерге көшіруді сұрайды.