BBC Copyright
Ұлыбритания Қорғаныс министрі Грант Шаппс ВВС-ге берген сұхбатында Батыстың демократия үшін экзистенциалды шайқас алдында тұрғанын ескертті.
Біз қазір істеу керек нәрсені кейінге қалдырып жатырмыз. Мысал ретінде АҚШ Конгресінің әрекетін айтуға болады. Біз президент Зеленскийді алаңдатып отырған нәрсені істеп жатырмыз, – деді министр.
Өткен аптада Владимир Зеленский «Біз Батыс Ресей соғыста жеңіліп қалады деп қорқатын абсурдты жағдайда тұрмыз» деп мәлімдеген еді.
Менің ойымша, бұл Батыс үшін мүлдем мағынасыз. Біз әлемдік тәртіпті қалай басқаратынымыз және демократияның өзі үшін экзистенциалды шайқаста екенімізді түсінуіміз керек. Мәселе мынада, [Украинаға] қосымша көмек жіберудің кешігуі және бұл жерде, анық, АҚШ Конгресінің баяу жұмысы Путинге уақыт сыйлап, ол Харьков облысында алға жылжды, – деді Шаппс.
Оның айтуынша, ол Украинаның шабуылға тойтарыс бере алатынына сенімді, бірақ алда бірнеше қиын апта бар.
Сонымен бірге Қорғаныс министрі Ұлыбритания Ресеймен тікелей қақтығысқа түсуге ниетті емес екенін атап өтті.
Біз Ресеймен тікелей қақтығысқа барғымыз келмейді... Біз бұл соғысқа кірмейміз, – деді ол.