Польша Ресейдің Калининград өңірімен және Беларусьпен шектеседі
Фото: AFP / Kenzo Tribouillard
НАТО-ның бас хатшысы Йенс Столтенберг альянстың басқа елдерге, атап айтқанда Польшаға ядролық қаруын орналастыру туралы жоспары жоқ екенін айтты. Ол Польша президенті Анджей Дуданың НАТО-ны республикада ядролық арсеналының бір бөлігін орналастыруға шақырған өтінішіне осылай деп жауап берді, деп хабарлайды Sarbaz.kz.
«НАТО-ның ядролық қаруын бірлесіп пайдалану жөнінде келісімдерді кеңейту туралы жоспарымызда жоқ», - деп түсіндірді Столтенберг.
Ядролық қаруды бөлісу бағдарламасы ядролық тежеуді болжайды және стратегиялық қарулардың жеке арсеналы жоқ альянсқа мүше мемлекеттерге ядролық оқтұмсықтарды орналастыруға мүмкіндік береді. НАТО елдерінің ішінде тек АҚШ, Франция және Ұлыбритания ресми түрде «ядролық клубтың» мүшелері болып саналады.
Өз бағдарламасы аясында НАТО 2009 жылдың қарашасынан бері Бельгия, Германия, Италия, Нидерланд және Түркия елдерінде америкалық оқтұмсықтарды орналастырды. Бұрынғы Польша үкіметі Варшаваның ядролық қаруды бөлісу бастамасына қосылу идеясын белсенді қолдады.
Айта кетейік, Украинаны қолдайтын Польша Ресейдің Калининград өңірімен және Беларусьпен шектеседі.
2023 жылдың маусымында Ресей президенті Владимир Путин Ресей өзінің ядролық күштерінің бір бөлігін Беларусь аумағына орналастырғанын, сондай-ақ Беларусь ұшқыштарын стратегиялық бомбалаушы ұшақтарды басқаруға үйреткенін айтты.