Украина Қарулы Күштерінің кеңесшісі Григорьева Израильдің үлгісі бойынша әскерге әйелдерді шақыруды ұсынды
thetimes.co.uk
Украина Израиль сияқты әйелдерді армияға шақыруы керек. Бұл қадам армиядағы кадр тапшылығы мәселесін шешеді, деді Украина Қарулы Күштері Құрлық әскерлері қолбасшысының гендерлік мәселелер жөніндегі кеңесшісі Оксана Григорьева The Times басылымына берген сұхбатында.
Үкіметтің мәліметі бойынша, қазіргі уақытта Украина Қарулы Күштерінде 65 мың әйел қызмет етеді. Бұл Ресеймен толық ауқымды әскери қақтығыс басталғанға дейін 2021 жылмен салыстырғанда шамамен 40%-ға көп. Олардың барлығы дерлік еріктілер. Өйткені медициналық мамандықтары барлар міндетті түрде әскери қызметке тіркелу керек болғанымен, әйелдерді міндетті түрде шақыру жоқ, - деп жазады басылым.
Дегенмен әскерге әлі де жүздеген мың ер адам қажет. Осығай орай Құрлық әскерлері қолбасшысының гендерлік мәселелер жөніндегі кеңесшісі Оксана Григорьева Украина таяу жылдары әйелдерді майданға күштеп жұмылдыруға дайындалуы керек деді.
Конституциямыз бойынша әрбір украиналық өз Отанын қорғауы керек екені жазылған, сондықтан әйелдердің де қызмет еткені дұрыс болар еді. Солтүстіктегі көршіміз жайдан-жай жойылып кетпейді. Жүздеген жылдар бойы олар бізге бірнеше рет шабуыл жасады. Израиль сияқты біз де бұған дайын болуымыз керек, бұл ерлерді де, әйелдерді де соғысқа дайындауды білдіреді, - деді Григорьева The Times газетіне берген сұхбатында.