НАТО басшысы Йенс Столтенберг «авторитарлық державалар альянсы» Батыс демократияларына қарсы барған сайын тығыз жұмыс істеп жатқанын ескертті
GETTY IMAGES
ВВС-ге берген сұхбатында Йенс Столтенберг Ресей, Иран, Қытай және Солтүстік Корея күштерін біріктіріп, бір-біріне практикалық қолдау көрсетіп жатқанын және бұл одақ «барған сайын біріктіріліп» келе жатқанын айтты, деп хабарлайды Sarbaz.kz.
НАТО басшысының айтуынша, Қытай қорғаныс өнеркәсібі үшін негізгі өнімдерді жеткізу арқылы Ресейдің әскери экономикасын қолдайды, ал Мәскеу оның орнына болашағын Бейжіңмен байланыстырады.
Ресей Иран мен Солтүстік Кореяға оқ-дәрілер мен әскери құрал-жабдықтардың орнына технология береді, – деп қосты ол.
Осыған орай НАТО өзінің географиялық аймағынан тыс елдермен, мысалы Жапония мен Оңтүстік Кореямен бірігіп, «авторитарлық күштердің барған сайын күшейіп келе жатқан одағына қарсы тұру үшін» жұмыс істеуге мәжбүр болған.
Столтенберг сондай-ақ НАТО одақтастарының Украинаны қаржыландыру туралы ұзақ мерзімді келісім бойынша шешімді Солтүстік Атлантикалық альянстың Вашингтонда саммиті өтетін шілдеге дейін қабылдайтынына сенім білдірді.
Алайда ол Киевтің уақыт өте келе Ресейге жеңілдік жасауы мүмкін деген болжам айтты.
Түптеп келгенде, қандай да болсын келісімге келу не келмеуді Украина шешеді. Біз оларға келіссөздер үстелінде қолайлы нәтижеге қол жеткізетін жағдайда болу мүмкіндігін беруіміз керек, – деп түсіндірді ол.