Қостанай әкімі су тасқыны аймағында тұратын азаматтарды алдын ала эвакуациялауды сұрайды
Қостанай облысының ПД
Қостанай қаласының әкімі Марат Жүндібаев шарықтау шегі бүгін, 6 сәуірде болуы мүмкін бұрын-соңды болмаған су тасқынына байланысты қалада төтенше жағдай жариялады, деп хабарлайды Sarbaz.kz «Наша Газета» басылымына сілтеме жасап.
Жедел штабтың мәліметінше, 6 сәуірде сағат 08:00-де Қаратомар су қоймасынан су жіберу секундына 2640 текше метрге дейін артты (судың кіру жылдамдығы – секундына 3361 текше метр). Қаратомар су қоймасының толтыру деңгейі 97 пайызға жетті.
Алдыңғы түні тасқынға қарсы жедел штаб Қаратомар су қоймасынан көп мөлшерде судың ағып кетуіне байланысты жағдайдың қиындап бара жатқанын хабарлады.
Зардап шеккендерге өтемақы алу үшін жергілікті төтенше жағдай енгізілді. Қазақстан тәуелсіздік алғалы бері алғаш рет су қоймалары 100 пайызға дерлік толды, – деп атап өтті қала әкімі.