Олардың арасында 1 саясаткер бар
Фото ашық дереккөзден
Пәкістанның Белуджистан уәлаятының Кеч аймағында азаматтық көлік өтіп бара жатқан кезде жол жиегіне орнатылған қашықтан басқарылатын бомба жарылды. Бұл туралы Sarbaz.kz тілшісі TRT ақпарат агенттігіне сілтеме жасап хабарлайды.
Лаңкестік шабуылдан 7 адам қаза тапты. Олардың арасында Белуджистан Халық Партиясының саясаткері Исхак Якуб та бар.
Шабуылды әзірге ешкім мойындамаған.
Бұған дейін Солтүстік Везиристан аймағында таңғы уақытта жасалған бомбалы шабуылдан екі бейбіт тұрғын, яғни ерлі-зайыптылар қаза тапқан болатын.
TRT дерегінше, соңғы айларда елде, әсіресе Хайбер-Пахтунхва және Белуджистан уәлаяттарында лаңкестік әрекеттер көбейген.
Исламабад бұл шабуылдарды Ауғанстанда орналасқан Пәкістан Талибанының ісі деп болжамдады. Алайда Ауғанстан бұл ақпаратты жоққа шығарды.