Портты америкалық әскер салып береді
GETTY IMAGES
АҚШ президенті Джо Байден теңіз арқылы гуманитарлық көмек жеткізу үшін Газа секторының жағалауында уақытша порт салу туралы шешім қабылдады. Бұл міндет америкалық әскерилерге жүктеледі, деп хабарлайды ВВС сайты.
Америкалық шенеуніктердің айтуынша, уақытша порт палестиналықтарға күніне жүздеген қосымша жүк көліктерін (азық-түлік, су, дәрі-дәрмек, уақытша баспана) жеткізуге көмектеседі, бірақ мұндай портты салу үшін бірнеше апта қажет.
Алғашқы жүк Кипрден келеді, онда Израиль билігі жеткізілімдерді тексереді. Бұл ретте портқа кірме жолдарды салуға кім жауапты болатыны және халық арасында жүктерді қауіпсіз бөлу қалай жүзеге асырылатыны белгісіз.
Газаның өзінің терең теңіз порты жоқ, сондықтан гуманитарлық жүктерді жеткізу осы уақытқа дейін автоколонналармен жүзеге асырылды, бірақ жақында болған қайғылы оқиғадан кейін АҚШ пен басқа елдер көмекті әуе арқылы жеткізіп жатыр. Алайда бұл үлкен шығын және мұндай көмектің көлемі жеткіліксіз.
Сонымен қатар БҰҰ мәліметтері бойынша, Газадағы гуманитарлық дағдарыс жақын арада апатқа айналуы мүмкін. Ал ДДҰ осы аптада Газаның солтүстігінде балалар шаршап өліп жатқанын ескертті.
Азық-түлік, дәрі-дәрмектер мен қажеттіліктер Газаға Израильдің әуе және құрлықтағы әскери науқанының басталуымен тоқтады.