Чехия қаражат жинау мәселесін көтеріп, бұл операцияны үйлестіреді
Фото: aa.com.tr
Украинаның одақтас елдері Чехияның бастамасымен Украинаға 800 мың снаряд сатып алуға қажет ақшаны жинады. Бұл туралы BBC агенттігі Bloomberg-ке сілтеме жасап хабарлады.
Снарядтарды үшінші елдерден сатып алуға және бірнеше апта ішінде Украинаға жеткізуге болады, деп мәлімдейді агенттік.
Ақпан айында Мюнхен конференциясында Чехия президенті Петр Павел Еуропадан тыс жерде 800 мың снарядты — 155 мм калибрлі жарты миллион және 122 мм калибрлі 300 мың снаряд сатып алуға болатынын мәлімдеген.
Чехия қаражат жинау мәселесін көтеріп, бұл операцияны үйлестіреді.
Чехиядан бөлек, қаржы бөлуге Германия, Франция, Польша, Канада, Нидерланд, Дания, Латвия және Литва ниет білдірді.