БАҚ-қа Бундесвер офицерлерінің әңгімесі тарап кетті
Thomas Trutschel/photothek/picture alliance
"Союз-90/Жасылдар партиясының" коалициясы мен ХДС/ХСС оппозициялық блогының саясаткерлері Ресейдің Германия әскери-әуе күштерінің жоғары лауазымды офицерлерінің (люфтваффе) Қырым көпірін TAURUS зымырандарымен атқылауды талқылаған әңгімесіне қатысты хабарларға алаңдаушылық білдірді, деп хабарлайды dw.com сайты.
Егер бұл оқиға расталса, бұл өте проблемалы оқиға айналады, - деді Бундестагтың барлау қызметтерін бақылау комитетінің төрағасы Константин фон Ноц.
Өз кезегінде ХДС/ХСС фракциясының қорғаныс жөніндегі сарапшысы Родерих Кизеветтер басқа да әңгімелер туралы ескертті.
Әрине, тағы басқа да жазбалар болып, біздің офицерлер тыңдалуы және кейінірек Ресей мүддесі үшін ашылуы мүмкін, – деді Кизеветтер.
Оның айтуынша, Ресей офицерлердің әңгімесін белгілі бір мақсатпен, атап айтқанда Германияның TAURUS зымырандарын Украинаға беруге кедергі жасау үшін жариялады.
Айта кетейік, бұған дейін БАҚ-та Бундесвердің ажоғары лауазымды офицерлерінің 40 минуттық аудиожазбасы пайда болған еді. Ол жерде әскерилер Қырым көпіріне TAURUS зымырандарымен соққы жасауды талқылаған. Осыдан кейін Германияның қорғаныс министрлігі Әуе күштерінде тексеру бастаған болатын.