Германия оппозициясының жетекшісі Украинаға TAURUS жіберуге шақырды
picture alliance/dpa/Bundeswehr
Фридрих Мерц Германия мен Украина арасында жасалған қауіпсіздік туралы келісімнен "нақты қорытынды" жасап, Киевке TAURUS қанатты зымырандарын беруге шақырды, деп хабарлайды Sarbaz.kz dw.com сайтына сілтеме жасап.
Германия мен Украина арасында жасалған қауіпсіздік туралы келісімнің аясында Германиядағы оппозициялық Христиан-демократиялық одағының (ХДО) төрағасы Фридрих Мерц тағы да Киевке алыс алыстан ататын TAURUS қанатты зымырандарын жөнелтуге шақырды. Мерцтің айтуынша, екі ел арасында жасалған келісімнен "нақты қорытынды" шығару керек.
Егер мұндай келісімге қол жеткізілсе, онда TAURUS зымырандары жөнелтілуі керек. Себебі Украина мен оның тұрғындарына қағаз емес, нақты көмек қана көмектесе алады, - деді Мерц.
Сонымен қатар Германияның ең ірі оппозициялық партиясының басшысы Украинаға германиялық оқ-дәрілер аз көлемде жеткізіліп жатқанын сынға алды.
Бәрі тым баяу, тым тартыншақ. Мұны техникалық және коммерциялық түрде жасай алатындар бізге және басқаларға шағымданады. Себебі мұның бәрі тым көп уақытты қажет ететді, нақты шешімдер әлі жоқ, – деді ол.
Айта кетейік, кеше Ұлыбритания мен Германиядан кейін Франция да Украинамен қауіпсіздік туралы келісім жасады.