Ертіс өзенінде әскери бөлімшелердің жауынгерлік дайындығы пысықталды

Әскерилердің шеберлігін шыңдау үшін тактикалық іс-қимылдарды пысықтау үнемі өткізіліп тұрады

Нұрдәулет Кәкіш

Абай гарнизоны әскери бөлімінде жазғы оқу кезеңінің жауынгерлік әзірлік жоспарына сәйкес, амфибиялық бөлімшелердің су даярлығы бойынша оқу-жаттығулары басталды, деп хабарлайды Sarbaz.kz тілшісі Абай өңірлік гарнизонының баспасөз қызметіне сілтеме жасап.

Жаттығудың басты мақсаты – бөлімдегі амфибиялық бөлімшелердің жауынгерлік әзірлік деңгейін қадағалап, әскери барлаушылардың біліктіліктерін арттыру.

«Бұл жаттығулар – қалалық жерде тосыннан болатын қылмыстық топтың әрекеттері кезінде жасалынатын іс-қимылдар. Шартты түрде іздеу жарияланған қылмыскерлер халық көп шоғырланбаған жерлерге жасырынады. Соның бірі – өзен жағалаулары мен аралдар. Мұндай жағдайда амфибиялық жасақтың рөлі айрықша. Өзен ортасындағы аралға жедел қимылдап және назарға түспей жету қажет. Біз қазір осындай оқу-жаттығуды пысықтаудамыз. Әрине, Ертіс өзенінің ағыны қатты. Сондықтан жеке құрам белгіленген нүктеге қиғашынан жүзуде», - деді арнайы мақсаттағы амфибиялық барлау ротасының екінші топ командирі, аға лейтенант Елнұр Алмабек. 

Тактикалық жаттығуларда барлау бөлімі қару-жарақты Ертістің келесі бетіне тасымалдауды және суда жасырыну тәсілдерін орындады. Өзенге шомылуға келген қала тұрғындары барлаушылардың қайықтан суға секірген трюктеріне алыстан қарап, таңқалысты.

Кенеттен болатын қылмыстық топқа қарсы жасалатын іс-әрекеттерді пысықтаған жеке құрам суға тұншыққан жанға көрсетілетін алғашқы медициналық көмекке де арнайы тоқталып өтті.

Бөлім командирінің айтуынша, әскерилердің шеберлігін шыңдау үшін тактикалық іс-қимылдарды пысықтау алдағы уақытта да үнемі өткізіліп тұрады.

__Последние новости

  • Басты назарда

«Жеңіс тарихы» атты іс-шара

03/04/2025 - 13:09
  • Басты назарда

Сарбаз, әскери антқа адал бол!

02/04/2025 - 15:43
  • Басты назарда

Жеңіс шеруіне дайындық

02/04/2025 - 09:07
  • Басты назарда

Ағаш өңдеу кәсібін игеріп шығады

01/04/2025 - 15:42
  • Басты назарда

Жаңару күндері табиғат та жаңғырды

31/03/2025 - 12:36
  • Басты назарда

Ұлыстың ұлы күні ұлықталды

30/03/2025 - 16:38
  • Басты назарда

Күн мен түннің теңелуін тойлады

30/03/2025 - 12:34
  • Басты назарда

«Әке көрген оқ жонар»

27/03/2025 - 10:14
  • Басты назарда

ҚАРТТАР ҮЙІНДЕГІ ҚАЙЫРЫМДЫ ШАРА

26/03/2025 - 10:14
  • Басты назарда

Меморандумға қол қойылды

25/03/2025 - 11:09
  • Басты назарда

«Отанды қорғау – қасиетті борыш»

24/03/2025 - 14:06
  • Басты назарда

ШАТТЫҚҚА ТОЛЫ ШАҢЫРАҚ

24/03/2025 - 10:03
  • Басты назарда

ҰЛТТЫҚ ТАҒАМДЫ ҰЛЫҚТАУ

23/03/2025 - 15:55