Ол Қытай мен Тайвань бірігетінін айтты
Фото: Liu Jie / Xinhua / Global Look Press
Америка Құрама Штаттары Қытайды Тайвань мәселесі бойынша прокси соғыста тұзаққа түсіруге тырысып жатыр. Бұл туралы Қытайдың АҚШ-тағы бұрынғы елшісі Цуй Тянькай мәлім етті, деп жазады The China South Morning Post газеті.
«Америка Құрама Штаттары Тайваньды қару-жарақпен белсенді түрде қамтамасыз етіп жатыр. Алайда, Қытай Тайваньдағы прокси соғыстың тұзағына түспейді. Бірақ аралмен қайта қосыламыз. Одан басқа жол жоқ», - деді ол.
Тайваньдағы жақында өткен президенттік сайлау туралы айта отырып, Цуй бұл процесті «Қытайдағы жергілікті сайлаулар» деп атады.
Өз сөзінде Азия-Тынық мұхиты елдері аймақтағы шиеленістің күшеюін тоқтатуы керек, кері жағдайда алдағы онжылдық қауіпті болуы мүмкін деді. Ол Қытайдың сыртқы саясаттағы басты басымдығы Америка Құрама Штаттарымен қарым-қатынасы екенін атап өтті.
Айта кетейік, қаңтар айында Тайваньда өткен президенттік сайлауда билеуші демократиялық прогрессивті партияның кандидаты және қазіргі вице-президент Лай Циндэ жеңіске жетті. Жеңіске жеткеннен кейін ол «Тайваньды Қытайдан қорғауға дайын екенін мәлімдеді.