Столтенберг НАТО-ның әскери әлеуетін арттыруға шақырды
AP Photo / Mindaugas Kulbis
НАТО-ның Бас хатшысы Йенс Столтенберг германиялық Welt газетіне сұхбат беріп, Альянс мүшелерін Ресеймен ұзақ жылдар бойы қарсыласуға дайындалуға шақырды.
НАТО Ресейге қарсы соғыс іздемейді. <...> Бірақ біз ондаған жылдарға созылуы мүмкін қарсыластыққа барынша қарулануымыз керек, — деді ол.
Оның айтуынша, бүгінгі таңда ең жақсы қорғаныс – Украинаны қолдау және НАТО-ның әскери құрылымдарына инвестиция салу.
Ол үшін Столтенберг Украинаға жеткізіліп жатқан әскери техниканы ұлғайту және өз қорларын толықтыру үшін Альянс елдерінің өнеркәсіптік базасын тезірек кеңейту керек деп санайды.
Сондай-ақ Еуропалық қорғаныс компанияларына тапсырыстарды көбейту керек екенін мәлімдеді.