Қазақстанда көзі тірі 16 мыңға жуық интернационал жауынгер тұрып жатыр
Фото: egemen.kz
Мұндай бір реттік көмек Павлодар қаласында тұратын 331 ардагерге тиесілі. Бұған қоса ауған соғысында жақындары көз жұмған немесе іс-түзсіз жоғалып кеткен 7 отбасына төлем қарастырылған. Бұл туралы Sarbaz.kz тілшісі Kazinform агенттігіне сілтеме жасап хабарлайды.
Биыл Ауғанстаннан кеңес әскерлерінің шығарылғанына 35 жыл толады.
Атаулы датаға орай ардагер жауынгерлер мен офицерлерге және жақындарын жоғалтқан отбасыларға 250 мың теңге көлемінде бір жолғы әлеуметтік көмек көрсетіледі.
«Интернационал жауынгерлерге жыл сайын бөлініп келген 150 мың теңгелік жәрдемақыға биыл қосымша 100 мың теңге қосылады. Бұл – 35 жылдық мерейтойға орай берілетін бір реттік төлемақы», – деп хабарлады Павлодар қаласы жұмыспен қамту және әлеуметтік бағдарламалар бөлімі басшысының орынбасары Лариса Кузьменкова.
1979-1989 жылдардағы ауған соғысына кеңес әскері қатарында қазақ елінен 22 мың жауынгер қатысқан.
Қазақстанда көзі тірі 16 мыңға жуық интернационал жауынгер тұрып жатыр.