Ұлттық ұланның жаңа шақырылымының сарбаздары елордада қызмет ете бастады
Polisia.kz
Олар құқық қорғау органдарының қызметкерлерімен бірлесіп, қала тұрғындары мен қонақтарын құқыққа қайшы және өзге де қылмыстық әрекеттерден қорғап, қоғамдық тәртіптің сақталуын қамтамасыз етеді, деп хабарлайды Sarbaz.kz.
Polisia.kz-тің мәліметінше, күн сайын жедел бригаданың мыңнан астам әскери қызметшісі – офицерлер, сержанттар мен сарбаздар екі ауысымда елорданың 5 әкімшілік ауданында қызметке кіріседі.
Жауынгерлік қызметтің бірінші күні бөлім командирінің бірінші орынбасары – штаб бастығы Ержан Әбдіқалықов жас сарбаздардың қызметіне табыс тіледі.
Жауынгерлік қызмет кезінде бригаданың әскери қызметшілері үнемі қылмыс фактілерін ашып, қылмыскерлерді ұстайды. Ұландықтар азаматтарға жоғалған балаларын немесе басқа да туыстарын табуға жиі көмектеседі, – деді ол.