Электрмен жабдықтау құны 10 өңірде өскен
Қазақстанның бірнеше өңірінде электрмен жабдықтау тарифтері өсті, деп хабарлайды Sarbaz.kz тілшісі LS-ке сілтеме жасап.
Табиғи монополияларды реттеу комитетінің мәліметінше, 2023 жылдың 1 шілдесінен бастап халық үшін электрмен жабдықтау құны 10 өңірде өскен.
Бір айда Қарағанды облысында орташа бағалар 31% немесе 3,9 теңгеге, кВт/сағ үшін 16,48 теңгеге дейін көтерілді.
Тарифтерді көтеру бойынша екінші орында – Жетісу облысы. Бұл өңірде электр энергиясы 23% немесе 3,66 теңгеге, кВт/сағ үшін 19,52 теңгеге дейін қымбаттады.
Сондай-ақ, елорда құнын арттыру бойынша үш аймаққа кірді. Астанада шілде айында тариф 17% немесе 2,5 теңгеге, кВт/сағ үшін 17,21 теңгеге дейін өсті.
Ақтөбе облысы 15% немесе 1,44 теңгеге, кВт/сағ үшін 11,07 теңгеге дейін, Түркістан облысы мен Шымкент – 14 немесе 2,17 теңгеге, кВт/сағ үшін 18,21 теңгеге, Алматы және Алматы облысы – 11% немесе 2,14 теңгеге, кВт/сағ үшін 21,62 теңгеге, Шығыс Қазақстан облысы мен Абай облысы – 10% немесе 1,27 теңгеге, кВт/сағ үшін 13,95 теңгеге дейін көтерілген.
ТМРК жылумен жабдықтау тарифтері осы жылдың тамыз айында өзгертілетінін атап өтті.
«Басқа өңірлер бойынша табиғи монополиялар субъектілерінің тарифтерді өзгертуге арналған өтінімдері бірқатар факторларды ескере отырып қаралады. Тарифтердің өсуі кәсіпорын қызметкерлерінің жалақысын көбейту, сондай-ақ иесіз желілер мен жабдықтарды ұстау, қолданыстағыларын жөндеу қажеттілігімен байланысты. Қосымша факторлар стратегиялық тауарлар (отын, шикізат және материалдар) құнының өсуі, басқа коммуналдық қызметтерге тарифтердің көтерілуінің мультипликативті әсері деп аталды», - дейді мамандар.
Бұл ретте тарифтердің өзгеруі өңірлердегі әлеуметтік-экономикалық жағдайды ескере отырып және жұртшылық арасында кеңінен жариялана отырып, жеке тәртіппен қаралады.