Еліміздің туризм мәселесіне келгенде Каспий теңізінің алатын орны ерекше. Теңіз жағасында демалуға ниетті туристер саны жыл санап арты келеді. Мұнда шомылу маусымы мамыр айынан қыркүйекке дейін жалғасады. Каспий теңізінде демалудың басты артықшылығы – емдік шипалы балшығы мен табиғи минералды көздері, сол сияқты ауа райының қолайлығын да айта кеткен жөн, деп хабарлайды Sarbaz.kz тілшісі.
Фото ашық дереккөзден
Ақтау еліміздегі теңіз жағасында орналасқан жалғыз қала. Демалысыңызды шілде айына жоспарлайтын болсаңыз ұшақ билеттері Астана қаласынан 48 743 теңге мен 65 225 теңге аралығында. Бұл баға жақындаған сайын қымбаттай береді. Сондықтан, билетті ертерек брондап алғаныңыз дұрыс.
Ақтау қаласы еліміздегі ең қымбат қалалардың бірі. Каспий жағасында көптеген қонақ үй бар. Дегенмен келушілердің көпшілігі пәтер жалдағанды жөн көреді. Пәтерді жалға алу құны орналасқан жеріне қарай әр түрлі. Ал танымал қонақ үйлерде екі адам үшін бір аптаға нөмір жалдау құны миллион теңгеге дейін барады.
МаякӘлем бойынша тұрын үйдің төбесінде орналасқан екінші маяк. Бұл Маңғыстау облысының Еуропа бөлігінде орналасқан.
Шарлар алқабыБұл жерге келген жұртты шар тәрізді тастардың қалай пайда болатыны қызықтырады. Ғалымдардың пікірінше, бұл тастар шамамен 120-180 миллион жыл бұрын пайда болған. Олардың ең үлкенінің диаметрі 4 метрге дейін барады. Ғалымдар бұл сұрақтың жауабын 250 жылдан бері іздеп келеді. Алайда, нақты жауап әлі күнге дейін жоқ.
БозжыраБозжыра шатқалы Ақтаудан 298 шақырым жерде Үстірт шоқысының батыс бөлігінде орналасқан. Бұл ең есте қаларлық әрі таңқалдыратын ерекше орын. 1000 теңгеде бейнеленген де осы мекен. Бозжыра шатқалын көркемдігі жағынан Аризонаға теңестіреді.
Бекет Ата жер асты мешітіБекет Ата жерасты мешіті Шопан Ата қорымынан 100 км шығыста орналасқан. Бұл жерде қазақ халқының ұлы данасы Бекет Мырзағұлұлы жерленген. Жерасты мешітке жету үшін шөл даламен жүздеген шақырым және төмен қарай мыңдаған баспалдақ.
Ұлас Үсенбай